Måndagseftan var Lom kvit og Lom blå i 10-års klassa i Vågå og spelte to kampar kvar. Etter stor innsats og mange gode prestasjonar reiste båe laga heim att utan poengtap i det heile tatt! Dette som følgje av godt lagarbeid og godt samhald i laga!Dette var tredje runde for alle laga i klassa. Sesongen så langt har gått svært bra. Det er god iver og stort frammøte på treningane som er kvar tysdag. I tillegg trener dei som vil ei ekstra økt kvar torsdag. Det er tydeleg at trening og kampar gjev god utvikling for desse positive og glade fotballspelarane.
Alle laga har att ei runde med kampar før det blir kampfri i sommar. Siste runde den 7 juni, og kampane startar kl 18.00
Lom raud reiser til Vågå og spelar kampar mot Vågå gul og blå, medan Lom kvit og Lom blå spelar i Grov mot Vågå raud og Skjåk 2. Møt opp og støtt opp om desse lovande spelarane! Det blir garantert ikkje kjedeleg!
I sommar vil det bli trening kvar tysdag kl 18-19. Trenaroppgava vil bli fordelt på fleire!
Alle Kategorier
